Java e 19-të në Ipko Superligën e Kosovës do të mbyllet ditën e sotme me tri ndeshjet e fundit.

Theranda, Gjilani dhe Mitrovica janë tri qytet mikpritëse të tri ndeshjeve të fundit të kësaj xhiroje në elitën e futbollit kosovar.

Në Therandë skuadra e Ballkanit e pret Ferizajn dhe kërkon që me fitore eventuale të rimarrë pozitën e parë të renditjes tabelare përpara Dritës dhe Prishtinës që këtë javë regjistruan fitore në udhëtim.

Fitore kërkon edhe Gjilani për tu rikthyer në garë për titullin kampion, por do të ketë punë të vështirë pasi që do të takohet me klubin kryeqytetas Flamurtarin.

Ndeshje shumë e rëndësishme e pret edhe Trepçën ’89 që pas humbjes javën e kaluar kërkon fitoren e qetësisë ndaj Dukagjinit.

Të gjitha ndeshjet e ditës së sotme në Ipko Superligë fillojnë nga ora 13:00. /Telegrafi/

Ipko Superliga e Kosovës

E diel

13:00 Ballkani – Ferizaj
13:00 Gjilani – Flamurtari
13:00 Trepça ’89 – Dukagjini